誠拉麵 (Closed)

今日同朋友喺屯門，兩個人諗住簡簡單單食個early dinner，咁就去咗呢間口碑唔錯嘅拉麵店😁我要咗$85嘅「特 白・豚骨拉麵」；我貪心，額外加咗叉燒、黑木耳、蔥花，希望嚟個大滿足😆；朋友就冇我咁貪心，單叫咗個$89嘅「特 黑・豚骨拉麵」😆。拉麵店係自助形式，自行到櫃檯付錢同取餐😁額外嘅叉燒、黑木耳、蔥花全部都用小碟分開上，份量睇落都幾多；我將佢哋全部加入我碗拉麵裏邊，睇落好豐富，完全提升視覺效果😆。飲啖湯先，「白・豚骨」湯底味道濃郁，好正；日式叉燒肉質軟熟，幾有豬肉味，肥嘅部份就更加有油甘香😋。朋友就話佢嘅「黑・豚骨」湯底有濃郁嘅蒜頭香味😋簡單嘅一餐，不過朋友同我都食得開心滿足😁😆