雲壽司 (聯成商業中心) (Closed)

星期六放假，難得的ME TIME，去左銅鑼灣行街shopping。晚餐時間經過謝斐道，見到原來有雲壽司，趁時間尚早，食返個early dinner先~有多款刺身、壽司拼盤供選擇，最後揀左特上壽司拼盤，有十件壽司，包括吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鱍、蔥吞拿魚腩。推薦牡丹蝦，肉質細緻Q嫩，味道鮮美香甜；海膽濃郁奶滑，口感稠密，完全係入口即溶；火炙左口魚邊經炙燒後，滲出甘甜魚油，肥美又爽口；蔥吞拿魚腩口感軟綿帶脂香，油脂豐腴，入口香滑幼細。