豚道樂 (百合苑商場) (Closed)

黃埔一向出名多野食，不過我自己好少專登入去搵野食，今日難得去開，當然要覓食一下啦。行到見到有個地方叫九好水產感覺幾得意，入去見到一間我之前一直想試的拉麵店—豚道樂🍜以拉麵店黎講，呢間都算有幾多款式的拉麵選擇。我點左平日限定的特上魚介豚肉拉麵，幾得意既係其他拉麵店通常都係選擇粗/幼麵，但係呢度係選擇直麵/曲麵。湯底有好香既豚骨味，味道非常濃郁，湯底偏稠身。豚肉雖然係薄身，咬落去口感都好有層次。見到其他拉麵款式好似都幾好食，下次可以試下。