鐵板超

Open Now

Now Closed

今日同男朋友慶祝生日，佢話想食鐵板餐就搵到呢間係尖東新開嘅日式鐵板料理餐廳發現佢做緊午市優惠，12:30-4:45 入座6:30前離座全單有66折，真係超抵，呢個價錢絕對抵食！我哋被安排坐喺霸位，前面係可以望到廚師整理菜式，容許你近距離觀摩。我哋揀咗二人前$2188帆立貝配龍蝦呢個套餐！首先套餐都包括沙律，麵豉湯同前菜。之後就到欺辱廚師都會喺你面前介紹各種新鮮嘅食材，日本北海道帶子大大粒，燒到半熟再加鰹魚湯食落超鮮甜。仲有主角大大隻嘅龍蝦，你會見到海鮮非常生猛，龍蝦仲識郁，廚師仲會用火槍去燒一燒，龍蝦着晒火，帶比你視覺嘅驚喜。味道當然冇得彈啖啖肉火候剛剛好！之後仲有法國鵝肝煎多士，見到件鵝肝分泌嘅油，再用返啲油嚟到煎香件多士，整體配搭十分之完美，口感豐富。所有海鮮食材都絕不馬虎，保證新鮮進口，我哋都食得好滿足，超級推介。