八方雲集鍋貼水餃專門店

Open Now

Now Closed

老公開OT要自己食飯，一個人又唔想出去食，於是就上OpenRice 睇吓有乜外賣自取優惠，睇睇吓見到八方雲集有折就撳入去，見到有個$49套餐好多野食，就揀咗佢，套餐包括珍珠餛飩、鍋貼5隻、台灣麵線及珍珠奶茶，非常抵食珍珠餛飩揀咗要紅油，味道唔會太辣，餛飩皮唔算厚，肉都算多，一啖一隻，鍋貼可以自選口味，我揀咗韓式辣味鍋貼，肉唔會乾亦唔會太辣，台灣麵線唔係大碗，不過好足料，麵線唔係煲到爛晒嗰隻，珍珠奶茶用細珍珠，可調教甜度及走冰⋯⋯以$49呢個價錢食到咁多嘢，同時OpenRice會有優惠碼，折上折雙重優惠，非常之抵