友記

Open Now

Now Closed

去慈雲山探朋友，突然想食車仔麵，朋友推介去友記食， 去到門口見到好多人排緊隊， 到我啦望下有咩野食先， 朋友極力推介柚皮， 但我就冇乜興趣食， 不過都有好多特別既餸， 我自己就叫左碗河粉， 餸就叫左豬紅 豬手 還有好少車仔麵舖有的豬油渣 同西洋菜。豬紅煮得好入味， 豬手都好入味同好淋， 豬油渣真係好脆好好食就算留到最後都仲係好脆， 西洋菜分量好多， 仲有自製辣油同蠔油可以選擇。 還有大支樽裝可樂飲。朋友嗌左柚皮我攞左少少試， 柚皮整得好好食一點苦澀味都冇。下次去慈雲山都一定會去食之間車仔麵。