Mr.W 即烘蛋糕

Open Now

Now Closed

去開天后搵食，經過呢間古早蛋糕店被蛋糕香味吸引到令我停下腳步。 望望店外蛋糕款式介紹，款式又幾特別喎！除左有經典原味外，仲有棗蓉、無花果同紅豆夾心味。心大心細樣樣都想試之際😋店員姨姨好好，佢話可以每樣買半份架！咁就可以試晒4款喇！ 仔仔最鐘意食原味，蛋香味濃，鬆軟新鮮，用黎做早餐同下午茶一流。 我就最鐘意食紅豆夾心味，4款之中最大件最高身就係紅豆味，上半層係原味鮮奶蛋糕，而下半層就係粒粒紅豆蓉餡，甜甜地好似食緊甜品咁，飽肚感十足。