Video
Read full review
2008-05-15
76 views
尋日小弟生日，老婆見我地成日都鋸扒，不如試新嘢，於是一早就book定位，真細心。The Grill環境唔錯，喺泳池邊，好彩天氣唔熱，有d風，幾舒服。不過我地坐喺樹下，間中都有幾隻小螞蟻爬咗上枱。食物都好好味，最正係鵝肝醬，好香好滑。(見之前有食家話鵝肝醬冇refill，等我仲好冇儀態咁攞咗一大舊，點知成晚refill咗幾次。)龍蝦就普通啦！d肉較韌，唔夠鮮甜，不過勝在多膏，而且都係不停refill。凱撒沙律真係正，d羅馬生菜超新鮮，好甜好脆。燒烤方面都幾好：燒蝦好大隻，好爽口。羊扒燒到啱啱好，唔韌唔太羶。羊肉腸好特別，有d羶，幾過癮。燒魷魚好得，值得一試。最正有燒菠蘿，食咗咁多肉，食塊燒菠蘿中和吓，冇咁滯。甜品......一個字講完：「削」小弟生日已經唔送蛋糕，仲連一件cake都冇，連其他食家話好味嘅麵包布甸都欠奉，有七八款甜品，最好食嘅就係啫喱糖，其「削」嘅程度都不用多講。不過整體嚟講都唔錯，值得一試。
The Grill環境唔錯，喺泳池邊，好彩天氣唔熱，有d風，幾舒服。不過我地坐喺樹下，間中都有幾隻小螞蟻爬咗上枱。
食物都好好味，最正係鵝肝醬，好香好滑。(見之前有食家話鵝肝醬冇refill，等我仲好冇儀態咁攞咗一大舊，點知成晚refill咗幾次。)
龍蝦就普通啦！d肉較韌，唔夠鮮甜，不過勝在多膏，而且都係不停refill。
凱撒沙律真係正，d羅馬生菜超新鮮，好甜好脆。
燒烤方面都幾好：
燒蝦好大隻，好爽口。
羊扒燒到啱啱好，唔韌唔太羶。
羊肉腸好特別，有d羶，幾過癮。
燒魷魚好得，值得一試。
最正有燒菠蘿，食咗咁多肉，食塊燒菠蘿中和吓，冇咁滯。
甜品......一個字講完：「削」
小弟生日已經唔送蛋糕，仲連一件cake都冇，連其他食家話好味嘅麵包布甸都欠奉，有七八款甜品，最好食嘅就係啫喱糖，其「削」嘅程度都不用多講。
不過整體嚟講都唔錯，值得一試。
Post