Mad for Garlic (Closed)

呢間完全唔似韓國餐廳，雖然話係用蒜頭整嘅食物，但係又唔似平時食個種蒜頭，佢唔係中式蒸蒜頭，反而係將個蒜頭炸，所以食落去我覺得好似冇咁口臭😂😂😂但蒜香就無甘大！環境闊落，舒服！蒜味Pizza，睇落去好似好單調，但係幾好食，幾特別！呢個蒜頭包，好似係幾受歡迎嘅食物！個樣雖然好特別，但係個人覺得味道就一般，甚至乎我覺得，平時普通一件蒜頭包還要好食！但係呢個包都帶來不少趣味，因為職員會喺我哋面前將啲蒜頭，吉入去個包入邊，然後切開佢俾我哋食，其實都幾搞笑！呢碟係餐廳職員介紹，佢話係好辣但係佢好鍾意食，睇吓我哋夠唔夠膽試！一上碟，我哋心諗係咪送錯左？！個樣一啲都唔覺得辣，食第一啖嘅時候都以為冇乜嘢，點知愈食就越辣，辣到衝上個腦！但係，成餐入邊我覺得佢係最好味㗎 ！值得一試！🥰🥰🥰🥰啲牛肉好紅，滲晒啲血水出嚟🤪反而主角好似變咗係蒜頭，我哋都爭住食蒜頭！呢塊皮，單食都覺得幾好食😋呢個飯有一啲明太子喺度，所以質感唔錯，都幾好食！