醬缸韓國料理 (Moved) New Location

今晚同朋友嚟佐敦搵食，約咗喺呢間韓國菜餐廳食飯聚舊。本來朋友就諗住book枱，但原來星期五六係唔比book枱嫁。所以我地就早啲去拎位，而且要人齊先入得！坐低既時候七點都未夠，朋友就話好想試下醬油蟹。我地最後叫咗一份蟹(兩隻連一碗紫菜飯),乍醬麵，無骨牛肉，同埋一支初飲柚子味。一坐低就有人放低咗啲前菜。蟹好快就上枱，味道一流！但始終係生海鮮，腸胃唔好既記住要留意。接住牛肉同乍醬麵都陸續上枱，味道唔錯嫁，野食算大份，牛肉幾淋同入味，乍醬麵算大碗，但冇咩肉，淨係多瓜。特別想提下大家，呢到間餐廳入面特別細，但同時放唔少枱，所以唔好諗住可以坐得舒服同慢慢食。但整體上野食就幾好味既，可以試下。