鱈卵屋 (Closed)

之前朋友介紹銅鑼灣有一間特色日本嘢食明太子，今日終於同女朋友上去食到事前知道依間餐廳主打係明太子，好多野都會加上，連刺身都有。我哋首先就點左佢必食嘅鬆軟明太子上罐湯蛋捲。首先明太子份量好多，而蛋卷真係好鬆軟，煮得啱啱好亦都有少少蔥花去襯托，而且亦都唔貴，必食跟住就有佢嘅鱈卵碗，我哋叫左三文魚，特別在佢有幾種食法，首先就係撈勻就咁食，跟住食第二碗就係加埋配料一齊食，第三碗就係加埋上湯食。非常特別，而味道都非常豐富，加埋上湯更加係非常之好味跟住呢個係低糖南蛮炸雞，食落去酸酸地，個皮佢唔係炸到好趣嗰啲來，有少少類似腐皮嘅感覺，都好食女朋友好鐘意食。跟住最後叫咗呢個豆腐燒餅明太沙律醬，配料好多，口感味道亦都好豐富，不過就略嫌太過淋，都算好食。