特餐

Open Now

Now Closed

一日之計在於晨，每日嘅早餐都好緊要，我會試唔同嘅餐廳，呢間其實開咗好耐，但又唔見有人寫食評，不過原因可能係我搵勻全間店都唔見佢個正式地址同電話，我試過問店員攞外賣紙！（因為要嘅資料齊晒）點知店員話：我哋唔做外賣！ （無話可說），今日一早又去食早餐，地方係西餐廳格局，坐到卡位，唔會好迫，見到個應該係老細（因為佢好有權威咁叫店員做嘢！）我又試下問佢攞地址電話，佢好快咁比晒我！終於攞到正確資料！ 佢個名叫蕃茄湯專門店，但我今日無食蕃茄湯 早餐選擇多！唔係平時茶餐廳選擇，我揀了：生菜雜菇米粉：清清地素食，生菜唔知點解會變了椰菜？ （店員又無講）不過味道都唔錯！比生菜多啲爽口！雜菇片好多，主要係罐頭蘑菇，彈牙！米粉正常，豬骨湯底濃味，不過像味粉溝出來，比較咸！整體好味！熱檸茶：夠熱夠濃，茶底唔澀，好味！食物上得好快，店員好勤快，同我哋有傾有講！服務正常！店內無廁所，要去附近嘅公廁！公廁雖然好大間舒服，但如果天氣唔好都幾唔方便，因為要過馬路！