火五越式牛肉粉專門店 (華生樓) (Closed)

食過佐敦同太子店，每次食物水準都好穩定。特別鐘意佢哋嘅湯粉，湯底好味又唔油膩。❤️火五火車頭牛肉湯粉 $78呢款係最多餸嘅湯粉！有生牛肉、熟牛肉、和牛牛丸、扎肉。濃郁嘅牛肉湯，飲完都唔會口渴。加上牛肉嘅肉味比較重，整體又濃又香。牛丸都好彈牙。❤️越式老火花膠雞湯粉 $56個湯清甜到飲晒成碗。好多花膠，而且雞肉好嫩。河粉吸收晒雞湯特別好食。❤️香茅豬頸肉 $48又脆又有油香，香茅味道唔算太重，醃得好啱口味。