團日式拉麵

Open Now

Now Closed

團拉麵以前都有食過，覺得一般啦，喺荃灣有幾間好食過佢，所以都甚少再幫襯，今次見佢出咗特別版蜆肉拉麵，先至去試吓。本身諗住堂食，但有突發情況變咗外賣。堂食拉麵點都好食過外賣，起碼熱都熱啲，唔夠熱會變咗有鹼水味，仲要今次有蜆，我都驚會腥。我嘅擔心係冇發生到，湯可能冇咁熱，不過都好好食。蜆肉拉麵，有五、六粒蜆，其中一粒死咗冇開口🥲，其實啲蜆有少少沙，不過我自己可以接受，主要係食佢個湯嘅鮮味。加咗蜆嘅湯真係好鮮好好味。麵本身外賣關係硬咗啲，要浸一陣，叉燒合格嫩滑有炙香，蛋都流心嘅，份量唔知係唔係外賣，我覺得少咗啲。另一個叫咗黑蒜拉麵，一般般，唔係好香好濃。配料好似比較豐富，有蔥、生蒜同炸蒜。我應該都會encore, 睇吓堂食係咪會再好食啲。take away有85折。佢部售票機真係好慢。