膳德福素食 (Closed)

星期五，又係時候煩晚餐食咩，喺旺角行左好耐，又上埋新世紀(頂，間Pizza Express幾時先開呀，裝修裝咗成兩個月)，突然間大少話要食齋，之前我地去過食素食一家，味道啱我，本來諗住，呀…好呀，去食素食一家，點知…大少話不如去先達嗰邊嗰間，試吓新嘢嘛，OK，無問題，咪去試吓囉，反正其實齋菜唔係好多間好食~~去到門口，見佢入面FULL晒咁滯，問我地有冇訂位，我地話無，佢話要等等，嗯，OK，反正我地都未係太肚餓，都OK嘅~~大約10-15分鐘咁上下，就有位，入到去，都其實幾迫，我地坐喺廚房門口，都好嘅，新鮮熱辣~~沙嗲羊肉串 - 沙嗲味好香，質感好似肉，不過就當然唔會有平常食羊肉果啲酥味，其實真係唔錯~三文魚、吞拿魚壽司 - 好似食驚冇味但係有人造色素嘅啫喱，嗯……可能我都係唔適合食長齋為自己積福架喇，因為我都係鍾意食真嘅三文魚多啲~沙拉骨 - 呢個都唔錯，熱辣辣食嗰時，好香好酥，完全覺得真係食緊肉咁~~瑤柱金菇豆苗 - 嗯，呢個只可以話無乜特別，味道都夠香酥茄子 - 呢個係成晚最好味嘅一道餸，熱辣辣炸起，食落口重辣脷，脆漿唔會太厚，啱啱好~~嗯…如果真係想去試，最好都係先訂枱，不過，其