京滬佳餚 (亞太中心) (Closed)

好姊妹嘅媽媽某個歲數嘅壽宴請食飯。前菜有海哲頭、涼拌薄切螺片好清爽。香炸秀珍菇香口又惹味。第一次食這樣的烤鴨，片皮部分好酥香，配菜特別多，首次遇見有紅菜頭、山楂、哈密瓜、蒜蓉，令片皮鴨另有風味。翅湯羹用料十足，味道好好，加醋不膩。羔蟹糯米飯啖啖蟹羔，糯米有咬口。酥炸生蠔粉漿過多，表現一般。松子魚炸過火，有點乾柴，有待改善。麻婆豆腐配法包，食得出有孜然粉味道，食法新穎。豆沙鍋餅皮有少厚，幸好熱辣辣甜度剛好。冰粉唔係心目中那種，一粒粒透明方型，提子乾、芒果乾同蔓越莓切粒，誠意欠奉。最後由生果盤同壽桃包作結尾。