丸亀製麵 (淘大商場) (Closed)

今日有事要搵朋友，辦完要事就搵地方食野。大家都不太肚餓，就提議食烏冬。事前朋友都話唔知洗唔洗等位，今日又星期五，好彩去到仍有幾個吉位冇人坐，我就睇下有咩野食，轉個頭已經滿晒座，仲有人要排隊等位添。衣間平時都會見過，但真係第一次食，um...其實都係一間靚少少既快餐店。響外面order左要咩烏冬之後，隔離有d炸物你可自選自己夾，夾完成set就響最左邊比錢。第一次黎食真係唔知點食物既程序係點，有d一舊雲。我叫左個豚軟骨烏冬$51（大碗），烏冬就個人認為不太睇好，可能食開稻庭烏冬質地軟身d,這個讚岐烏冬質地硬身d，反而我覺得個豚軟骨味道幾好幾濃郁。朋友的麻辣湯麵（中碗）$36本身就冇餸的，自選左隻溫泉蛋+$9，加埋忌廉$8，聞落都幾香幾麻辣味，不過朋友話唔係好辣的。本身平時我唔會一個人響餐廳裡食野，衣度感覺總叫可以一個人簡簡單單食個麵。