金田家 (Closed)

今日係將軍澳去試一試呢間拉麵，可能2點幾比較晏所以唔洗等位就有得入。我同朋友就叫左兩個柚子辛口拉麵，呢個拉麵幾特別，柚子拉麵比較少見，而仲有少少辣味，再加上本身濃厚嘅豚骨湯，呢個配搭出奇地夾，唔會太膩，有d清新嘅感覺。而追加嘅溏心蛋同腩肉亦好正，溏心蛋配少少柚子湯更好食，腩肉亦好肥美，有入口即融嘅感覺。另外我地仲叫左個男爵薯餅，我特別鍾意個紫薯味，有少少甜，當係甜品食都相當唔錯架。飲品方面我地就叫左兩杯蘋果汁，拉麵有時會太濃或者有d膩，飲番啖蘋果汁中和返就啱啱好啦。