少爺泰 (Closed)

之前放假就去左接女朋友放工，之後發現左一間新開既泰國野就決定試一試佢。入到去裝潢幾好，夠光猛而且企理。座位之間既空間都好足夠，唔會太逼。最特別係佢個餐牌會教埋你泰文。野食我地就叫左一個椰汁雞湯，咖哩雞，半隻海南雞，軟殼蟹卷同西瓜冰。個湯飲落好滑好奶，夠哂濃味，而且好足料。咖哩雞就唔太辣且有陣陣既椰奶味，好好食。海南雞就最好食，好嫩滑，再配上醬汁簡直一流。最正就係西瓜冰，原個西瓜上，粒粒果肉就哂正。軟殼蟹卷即叫即製，熱辣辣夠脆口整體而言，依到環境好，夠光猛又乾淨企理。食物水準算好，而且份量好夠。侍應服務態度好好，有野唔明都有耐心解釋。