浦井韓食居酒屋 (Closed)

都有一排無食韓國菜啦，今日約左幾個朋友嚟撐枱腳，天氣咁熱一坐底整返個生啤涼下先。而朋友就order左杯菠蘿沙冰，佢話非常好飲，飲完透心涼。高麗人參燉全雞：相中可以睇到條人參有幾大條，全隻雞賣相都唔錯而且幾滑。部隊鍋：比平時食開嘅有d唔同，就係多左d肥牛啦。明洞鐵鍋飯：好足料，白飯上有隻雞蛋，將所有餸撈埋，一個人係食唔曬。清酒燒生蠔：都係第一次食有酒味嘅生蠔，幾特別，但隻蠔有點細少。鐘意食韓國菜可以嚟一試。呢度仲有好多手工啤，裝修亦都幾靚。