微酵烘焙 (世貿中心) (Closed)

今日剛巧經過世貿2樓，見到一間買麵包加賣台灣飲品的麵包店。同幾位朋友就立即入去望一望，見到有好多款特別名稱的麵包，即刻決定買來試一試。今次我們好瘋癲，買咗幾個唔同款的麵包一齊試，我哋買咗髒髒之胖（即係髒髒包），蘑菇包，極濃乳酪包，酥烤羅宋同芝士火腿牛角包。當然我哋仲試埋佢出名嘅珍珠奶茶同埋鮮醇芋頭奶，真係好豐富。先講蘑菇包，賣相就好似一個蘑菇咁樣，食落去其實佢係芝麻包，好多芝麻餡，一咬落口啲芝麻就係我個口度醞釀，好味～之後就食芝士火腿牛角包🥐，牛角包嘅層次好有口感極濃乳酪包，好大份，係三個包形成的，佢個乳酪味好重，個包好鬆軟。到酥烤羅宋，其實就係牛奶包，好濃烈嘅牛奶味，我估計佢個名改為酥烤羅宋，係點羅宋湯黎食，呢個只係估計。最後先食髒髒包，因為食落去係最污糟，所以最尾先食，呢個包勁大份， $39值門票㗎，朱古力味好濃烈，食落口好煙韌，真係好大份，多人食一流，同埋真係食到好污糟，正。珍珠奶茶好特別，特別在佢個茶包仲喺裏面，好有茶香味，又夠大杯，好飲。而芋頭奶，飲落去真係好似食緊香芋咁，同埋免將啲cream好滑，成杯野唔會太甜，都唔差。下次要去繼續試其他唔同款的包