豚道樂 (百合苑商場) (Closed)

今次黎到少來的黃埔行下街街，原來黃埔真係一個唔錯既小社區, 有齊一切所需, 仲好多食肆添, 今日去完AEON, 見到對面有個九號水產, 全日本食店, 就入左第一個店食拉麵。叫左個特上日本芥末拉麵, WASABI 湯底真係第一次見, 好特別, Wasabi湯底少少杰身，曲麵食落幾彈口，溏心蛋白夠滑，蛋黃半生不熟剛剛好。豬肩肉比較瘦但唔鞋，有肉味，而豬腩肉入口滑溜，入口即化。信州蘋果梳打, 香甜蘋果味再加上微微的汽，果汁重有50%添，果陣蘋果味好天然唔人做架。吉列蠔, 油炸蠔至呈金黃色, 香酥又鮮味，我勁鍾意食!