雪下覓炙

Open Now

Now Closed

男朋友好鍾意韓燒，經過海運大廈見到呢間韓燒幾高級，門口都聞唔到油煙味，即刻試下😂我地叫左秋季推出嘅秋風煙燻盛饌💰1088，成個套餐內容好豐富前菜傳統韓式前菜，有辣泡菜、醃蘿蔔、辣蘿蔔、海帶絲、麻油芽菜、麻油菠菜、薯仔沙律同埋芝士蛋捲，除左蛋捲，其他都係無限任食，同埋燒肉一齊食，正🥰🥰醬油盛盒呢個盛盒好豐富，有醬油蝦、帶子同埋鮑魚，全部食材都好新鮮，帶子鮮甜，鮑魚爽口，加埋香甜醬油，更加帶出食材鮮味，男朋友話個醬油蝦好好食，食埋我個隻😂秋風煙燻盛饌（燒烤）呢個組合有和牛牛小排、和牛牛肋肉、和牛三筋肉同埋和牛牛舌，上台已經覺得牛肉啲紋理好分明，油脂豐富，入口充滿油香，店員會用煙燻方式處理啲肉，燒黎食會有一陣煙燻味道，好味😋濟州賞饌（五花肉、梅花肉）呢間鋪頭嘅五花肉同埋梅頭肉都好好食，五花肉肥瘦相間，燒到焦香最好食，梅花肉就口感軟身啲，兩個肉都可以搭配生菜同韓國黃豆醬一齊食，更有一番風味🥰炸醬麵主食我地揀左炸醬麵，好細心分左兩碗上，麵條煮得適中，彈牙爽口，加埋自家製炸醬、裡面有肉碎、青瓜絲、雞蛋等，食到好滿足😌精選甜品係我最鍾意食嘅brownie，上台係暖暖地，朱古力味好濃，食落質感綿軟濕潤