天浮橋拉麵 (Closed)

元朗多野食就係人都知🤩今日做完野好想食一碗熱辣辣拉麵，所以比我發掘到一間隱世小店，餐廳裝修係比較懷舊日本風，有張木板櫈係門口，可以比客人坐係到等😌拉麵價格比較相宜，而且呢到係有最近好盛行既雞白湯湯底拉麵，食完就當自己去左日本🇯🇵🤣🍴翡翠濃湯 $90呢個湯底唔知大家估唔估到係咩味呢😆應該都多人估芫荽，其實呢個都係雞白湯底，但就再加左菠菜去煮，再加左一小羹菠菜醬😉味道剛好，唔係好濃既個一種，反而有蔬菜既𝐟𝐫𝐞𝐬𝐡，但一啲草青味都無的，所以可以放心食🤭麵質就相對硬身啲，都幾掛汁；入面配搭既係雞肉，簡單用左黑椒去調味，而且肉質好嫩滑，好好味喎😋🍴靜岡蜜瓜梳打 $22好重蜜瓜味！好正啊🍈食完拉麵飲呢個，嗝一嗝氣，又唔會太甜。