Video
Read full review
2021-04-16
382 views
안녕하세요☺️ 한국전통과자오후차韓風襲港已經唔係咩新奇既事、身邊總有幾個朋友追韓星、追韓劇！但韓國食物又會唔會係大家要追既野？平時食韓國料理多數都好肥膩！五花腩、炸雞、煎餅、部隊鍋、辣炒年糕、芝士排骨！講到流哂口水🤤🤤 不過提到韓國 更會諗起一件事 就係養生！韓國人都好養生！人蔘雞湯、五味子、大棗茶⋯佢地有好多食料都會用到類似中藥成份！平時英式、中式、日式、泰式都食過！！韓式真係第一次！今次介紹素菜食府「土生花」最新的「Beyond Vegan」純素下午茶體驗！結合傳統韓國寺廟飲食文化鹹點包括「時令蔬菜米紙卷」，口味清新可以食到蔬菜的新鮮「酥炸粉絲卷」炸得酥脆！唔算太油膩「韓式海苔飯卷」及「韓式漬物飯團」兩款味道都偏淡、九款材料都能食到原味！食完成個人都好fresh😂😂甜點包括「韓國傳統冬甩」 同一般平時食既好唔同、比較煙靭、有點硬！未必適合香港人口味「韓式麻糬」抹茶味外皮、花生蓉餡料！抹茶味好濃 反而花生餡味道偏淡、唔甜！唔似香港傳統會用花生加糖、椰絲 勁甜🙃「芝麻貝殼蛋糕」 呢個有少少失望😔 蛋糕偏硬唔鬆軟、同唔係好食到芝麻味！「自制橙糖、青梅啫喱」 橙糖既橙好似蜜柑味道、比較清甜
韓風襲港已經唔係咩新奇既事、身邊總有幾個朋友追韓星、追韓劇！但韓國食物又會唔會係大家要追既野？
平時食韓國料理多數都好肥膩！五花腩、炸雞、煎餅、部隊鍋、辣炒年糕、芝士排骨！講到流哂口水🤤🤤 不過提到韓國 更會諗起一件事 就係養生！韓國人都好養生！人蔘雞湯、五味子、大棗茶⋯佢地有好多食料都會用到類似中藥成份！
平時英式、中式、日式、泰式都食過！！韓式真係第一次！今次介紹素菜食府「土生花」最新的「Beyond Vegan」純素下午茶體驗！結合傳統韓國寺廟飲食文化
鹹點包括
「時令蔬菜米紙卷」，口味清新可以食到蔬菜的新鮮
「酥炸粉絲卷」炸得酥脆！唔算太油膩
「韓式海苔飯卷」及「韓式漬物飯團」兩款味道都偏淡、九款材料都能食到原味！食完成個人都好fresh😂😂
甜點包括
「韓國傳統冬甩」 同一般平時食既好唔同、比較煙靭、有點硬！未必適合香港人口味
「韓式麻糬」抹茶味外皮、花生蓉餡料！抹茶味好濃 反而花生餡味道偏淡、唔甜！唔似香港傳統會用花生加糖、椰絲 勁甜🙃
「芝麻貝殼蛋糕」 呢個有少少失望😔 蛋糕偏硬唔鬆軟、同唔係好食到芝麻味！
「自制橙糖、青梅啫喱」 橙糖既橙好似蜜柑味道、比較清甜！有少少酸味！ 反而更鍾意青梅啫喱 酸酸甜甜 涼快口感！好解膩！
「韓國富有柿合桃卷」 平時我係唔食柿、呢個我覺得幾好、唔係完全抽乾富有柿既水份、食落仲有少少汁咁！加埋合桃軟硬軟硬 口感唔錯！
「松子仁糖餅」 簡單來講佢係松子仁做既馬仔🤣 幾好食！唔太甜！酥酥脆脆！可惜既係佢會痴牙☹️ 不過飲啖茶又冇事
「韓式合桃撻」 呢個係最好食、合桃好香！撻皮香脆、冇油份！食落仲見到撻皮有層次😍
韓式花茶 ：花茶係玫紅色、最初諗會唔會係五味子、但又唔似、味道有少少玄米茶味 又有少少牛蒡、有少少莓果酸味！都幾好飲
整體來講：去唔到韓國 又想試下 真係可以一試！體驗幾特別！原來韓國糕點係咁🤔 可能未必樣樣都岩口味、但勝在 味道平和 唔會太咸、太辣、太甜！整體感覺很舒服、唔會食完有負擔😉
餐廳裝修以木色為主、超級文青好打卡！坐位唔會過份擠迫！空間感非常足夠！
Post
