Chibee Chicken and Beer (Closed)

之前系銅鑼灣見過佢嘅分店，Chibee Chicken and Beer開頭無認真望個名以為系分西餐嘅，一入門口見到甘可愛嘅LOGO，好似曾志偉以前嗰個無敵將門人啊。唔系食西餐，系歐巴嘅炸雞，但又覺得唔多似一般嘅韓式餐廳，反而有少少似酒吧嘅感覺，環境有少少暗，但又令人好放松，都係點個例牌炸雞嚟試試呢間店嘅實力先，炸雞好脆，當然要蘸D酸辣醬先夠好食，唔系無咩特色。卡邦尼年糕都系韓國例牌菜，味道都幾OK喇，年糕唔軟唔硬，口感幾好。泡菜就食得多，泡菜薯條真系第一次聽，點可以唔點嚟試下呢，聽個名就覺得幾期待，平時番茄味薯條就經常食，薯條睇上去同普通嘅無咩唔同，但食過先知味道原嚟真系唔同，比平時食嘅薯條多左濃濃嘅泡菜味，剛開始食覺得唔習慣，但食多幾條又覺得味道幾特別，可以接受。