越滿 (Closed)

原來約條女食烤肉 出到黎話熱氣唔想食 即時火但禁住 好 行下睇有乜岩公主 見到有新店 食越南野 心諗唔熱氣喇 公主表示同意😥叫左個蕃茄大頭蝦饛粉 入面有雞蛋炒蟹肉 扎肉 蝦仔湯底濃郁鮮味 大頭蝦新鮮有蝦味 饛粉同出面完全唔同 似米粉但更滑溜 另上一杯芽菜 粗而短非常新鮮爽脆 豬扒撈饛 汁絕對係靈魂精髓配青瓜紅蘿蔔絲 公主表示好好食 好fresh😍 豬扒醃得好煎得鬆化無痴牙👍豬肉米卷 好豐滿 米紙包生菜饛粉豬腩肉 無雪味唔肥膩 鋪面闊落算好坐 睇餐牌似主打牛 有日本同澳洲和牛 美國牛 和牛牛舌較冷門 公主唔食牛 下次單拖試下虛實