Video
Read full review
2019-05-08
81 views
今日同朋友温完書，就去咗西營盤附近覓食，磅太太一直都聽人講過，所以就趁住就腳，去試一試！其實佢個位置係位於上環同西營盤交界，都唔算難揾。餐廳外面完全唔似一間餐廳，真係以為佢係配匙鋪頭😂但呢間野睇落好懷舊，但實際佢食嘅野係fusion。入到去就好似中西合璧嘅感覺，有bar檯：可以同朋友小酌兩杯，但又適合朋友聚會。幅牆設計好有心，用好上海風嘅鏡配搭筷子去砌成！佢地選用嘅餐具同杯都好特別，有好似外賣用嘅木筷子，而我揀嘅cocktail 都用好似人地舊時娘娘用嘅杯😂杯cocktail 叫做Bridge of Love （$140），味道較為強烈，如果鍾意fruity啲嘅就唔啱啦！Sticky Coffee Pork Belly Skewers （$38）浸過咖啡酒，所以一擺上黎已經有好香咖啡味，但食落就唔覺。佢地揀嘅肉都肥瘦適中，食落一啲都唔肥，而且上面有puffed rice襯托，口感好正！Crispy Unagi （$48）極力推薦，必食！個人印象最深刻嘅一道菜，聽負責人講，佢地用嘅係日本鰻魚，上面配有鹹蛋黃魚皮同紫菜，豐富個口感。我覺得個鹹蛋黃魚皮真係畫龍點睛，同鰻魚個味道好夾，而且帶有
餐廳外面完全唔似一間餐廳，真係以為佢係配匙鋪頭😂但呢間野睇落好懷舊，但實際佢食嘅野係fusion。
入到去就好似中西合璧嘅感覺，有bar檯：可以同朋友小酌兩杯，但又適合朋友聚會。
幅牆設計好有心，用好上海風嘅鏡配搭筷子去砌成！
佢地選用嘅餐具同杯都好特別，有好似外賣用嘅木筷子，而我揀嘅cocktail 都用好似人地舊時娘娘用嘅杯😂杯cocktail 叫做Bridge of Love （$140），味道較為強烈，如果鍾意fruity啲嘅就唔啱啦！
Sticky Coffee Pork Belly Skewers （$38）
浸過咖啡酒，所以一擺上黎已經有好香咖啡味，但食落就唔覺。佢地揀嘅肉都肥瘦適中，食落一啲都唔肥，而且上面有puffed rice襯托，口感好正！
Crispy Unagi （$48）
極力推薦，必食！
個人印象最深刻嘅一道菜，聽負責人講，佢地用嘅係日本鰻魚，上面配有鹹蛋黃魚皮同紫菜，豐富個口感。我覺得個鹹蛋黃魚皮真係畫龍點睛，同鰻魚個味道好夾，而且帶有少少辣，好好食！
Soy Marinated Shrimp （$98）
用天使蝦整，浸咗係豉油、昆布等醬料等佢入味，隻蝦好新鮮，即使浸落豉油都唔覺鹹！
Ma-la Fried Wings （$88）
推薦之二
即使人生食過不同種類嘅炸雞翼，佢依然令我好surprised！負責人話佢地用牛奶代替麵粉炸，個外皮好鬆脆，但內裡係爆juicy，啲肉質仲keep到好嫩滑，而且又辣辣地，好正！
Eggplant Ravioli （$68）
呢個ravioli好特別，入面係stuffed咗茄子同goat cheese，我朋友平時唔食茄子都試咗，以前去啲食italian food嘅地方會覺得ravioli好漏，但佢入面係茄子，感覺上fresh啲😂
King Prawn “Hoi Mei” Sticky Rice （$228）
係好傳統嘅糯米飯，但上面鋪咗蝦，加咗傳統嘅材料，例如蝦米等，亦有素翅去增加個口感層次。我覺得佢保留咗好傳統糯米飯嘅精粹，但都好有創意！
Smoked Pigeon （$168）
好中式菜feel，食嘅時候可以點少少smoked salt，陣smoky味都好出，幾有特色！
呢間餐廳你會見到好多傳統中國菜嘅影子，但佢加咗好多自己餐廳嘅特色同創意，而且都好有心思去設計個餐單餐廳manager都好樂意同你去介紹菜式嘅做法同特別之處，好有心機！當晚有一半以上都係外國人幫襯，感覺上可以推廣一啲華人社會嘅特色之餘，亦可以比我地去見到中國菜可以點crossover 其他國家嘅野！
Post
