Video
Read full review
2023-06-27
274 views
平時主打食牛肉嘅餐廳比較多，前幾日去咗一間主打食豬肉料理嘅餐廳，超有驚喜！位於上環嘅pigsman係新店，銅鑼灣都有分店架～ 佢哋餐廳嘅風格係以特務為主題，有好多槍械同任務嘅裝修，仲有豬仔🐷畫同三隻小豬🐖，裝修都幾有特色！主打嘅豬肉料理有豬扒飯、漢堡、多士、沙律、豬肉丸等～ 我哋叫咗兩個套餐食，每個餐$100左右，有主食、小食同埋飲品。Menu以任務命名菜式同套餐，幾特別！🐷手打豬肉丸超級好食！好耐無食過咁彈牙嘅肉丸！肉味濃，又帶點爽口，又juicy，沾少少醬食好正😋🥔自家製薯蓉配肉汁薯蓉幾濃薯味，唔係落咗好多cream好多粉嗰種，而係好多薯泥，仲有薯仔粒粒，好真材實料！食，發覺唔係好夠肉汁，多啲汁會更好！🐷手榴彈即係手打雙層豬柳芝士漢堡，又係大推！豬柳又係好彈牙，可能同豬肉丸同一整法，但就整成漢堡扒咁，外層香脆，入面仲係juicy爽彈！加埋芝士、生菜、番茄做成漢堡，好好食！🐷芝士蘋果焗豬扒飯加咗蘋果片嘅焗豬扒飯，比較清新，無咁膩，豬扒軟熟唔韌，味道都唔錯！但就無手打豬肉丸咁有驚喜😂跟餐飲品本身想叫伯爵港式奶茶，但咁啱填晒，咁就叫返大路嘅椰青水同烏龍茶啦🤣呢度嘅食物質素都幾好！好鍾意豬
位於上環嘅pigsman係新店，銅鑼灣都有分店架～ 佢哋餐廳嘅風格係以特務為主題，有好多槍械同任務嘅裝修，仲有豬仔🐷畫同三隻小豬🐖，裝修都幾有特色！
主打嘅豬肉料理有豬扒飯、漢堡、多士、沙律、豬肉丸等～ 我哋叫咗兩個套餐食，每個餐$100左右，有主食、小食同埋飲品。Menu以任務命名菜式同套餐，幾特別！
🐷手打豬肉丸超級好食！好耐無食過咁彈牙嘅肉丸！肉味濃，又帶點爽口，又juicy，沾少少醬食好正😋
🥔自家製薯蓉配肉汁薯蓉幾濃薯味，唔係落咗好多cream好多粉嗰種，而係好多薯泥，仲有薯仔粒粒，好真材實料！食，發覺唔係好夠肉汁，多啲汁會更好！
🐷手榴彈即係手打雙層豬柳芝士漢堡，又係大推！豬柳又係好彈牙，可能同豬肉丸同一整法，但就整成漢堡扒咁，外層香脆，入面仲係juicy爽彈！加埋芝士、生菜、番茄做成漢堡，好好食！
🐷芝士蘋果焗豬扒飯加咗蘋果片嘅焗豬扒飯，比較清新，無咁膩，豬扒軟熟唔韌，味道都唔錯！但就無手打豬肉丸咁有驚喜😂
跟餐飲品本身想叫伯爵港式奶茶，但咁啱填晒，咁就叫返大路嘅椰青水同烏龍茶啦🤣呢度嘅食物質素都幾好！好鍾意豬肉丸同豬柳，下次出開銅鑼灣可以試埋銅鑼灣店😆
Post
