碧士文 (東利商業大廈)

Open Now

Now Closed

估唔到係上環搵到呢間高質餐廳！Pigsman碧士文以豬扒作主打，餐牌上有各式豬扒飯、多士、小食同沙律等，其中豬扒飯款式繁多，無論係較港式既避風塘定係西式卡邦尼焗飯都有，原來豬扒都有咁多可能性🐷最特別係小店以特務為主題，除咗店名致敬Kingsman，店內亦用左好多特務工具黎裝飾，就好似走咗入電影場景咁🔸特務J - 招牌威士忌BBQ豬扒飯首先抵讚既係豬扒真係做得好出色🥹肉質彈牙而且完全唔會乾柴，切好一件件啖啖肉口感一流🐽招牌威士忌汁有微微酒香，燒烤味道突出同時帶有甜味，鹹甜得宜，果然係招牌🏅🔸特務C.C. - 芝士焗越式水咖喱豬扒飯豬扒配咖喱真係不敗之選，呢度既越式水咖喱辣勁唔會太強太搶味，咖喱同香料味道濃郁，再加上厚厚一層芝士放表面一齊焗，邪惡但超級好味🥰🔸雙重特務H&M - 自家製薯蓉拼肉丸手打豬肉丸大大粒，肉質軟稔，咬落去肉汁滿滿，配綿滑薯蓉同埋gravy，係一個好味又飽肚既小食🔸金手指 金手指呢個咁有特務感既小食名其實係用豬扒造成既薯條，真係第一次食😍豬扒切成細條炸至金黃，但仍然保留豬肉彈牙口感，配埋自家醬汁，咁有店特色既小食值得一試！