一杯屋

Open Now

Now Closed

因為亦情嘅關係都好耐冇去過日本喇。朋友之前向我推介呢間居酒屋。佢話無論呢度嘅環境同埋食物都會令你諗起日本。咁既然今日經開銅鑼灣咁就嚟試一試係咪咁值得朋友極度推介。我叫咗幾樣小食分別有燒大黑菇，脆炸池魚仔，秋葵木魚絲同埋最後必食嘅甲羅燒。燒大黑菇，其實我自己好怕出街食串燒菇類。因為出面嘅舖頭往往都會將菇燒到乾爭爭。但係自己又好鍾意食菇喎。最後都係忍唔住叫咗試下。最令我驚喜嘅係，呢度燒完嘅菇一啲都唔乾身。而且菇味極濃。絕對啱晒我口味。脆炸池魚仔。魚身炸到脆卜卜，而且池魚本身嘅語味都有保留到。非常出色。秋葵木魚絲。雖然兩樣食物本身都冇乜味道，但係經過調味之後。都幾好食。最後就係必食嘅甲羅燒，蟹膏同蟹肉都勁多。呢個係必食推介。