Video
Read full review
2019-02-27
47 views
今晚同家姐姐夫喺中上環閒逛，咁岩行到PMQ見倒呢間餐廳裝修幾特別，又有啲肚餓，就坐低左。 餐廳既裝修比較復古，有好多陳舊既擺設，例如係菲林相機，黑膠唱片機同汽水樽等等。最中意係呢張長檯上放左一系列唔同既汽水樽，好靚啊!呢度絕對係文青既集中地，好多都係影相位。座位亦好闊落，岩哂一大班朋友聚會吹水! 餐具都好有特式，有唔同既字句。餐廳係食台灣菜，除左常見既牛肉麵、滷肉飯同蛋餅以外，仲有好多特色既台灣菜。 飲品我地要左冬瓜菜，茶內有一片檸檬，平時飲開既冬瓜茶都比較甜，呢度加左小小檸檬中和番個甜味首先我地見倒兩碟菜，絕唔係普通既蔬菜，係台灣既蔬菜，第一碟係小魚山林，其實係台灣A菜，望落有啲似油麥菜，食落都覺得同油麥菜差唔多，加左鹹魚落去炒，另多左一份鹹香味! 第二碟就係樹子山蓮，山蓮呢個菜之前喺邊爐鋪都有食過，中意佢夠爽脆，簡簡單單用蒜蓉炒已經好好味。 因為我地都唔想食粉麵類既野，所以就叫左唔同既小菜，試多啲菜式! 台式三杯雞，一黎到已經聞到好香，雞件一啲都唔鞋，醬汁仲帶有小小辣，亦非常惹味。 台式滷味拼盤， 有好多唔同材料，蘿蔔、雞翼、豬肉同豆乾等，全部都好入味又唔會過鹹。台式醉雞，醉雞切成
餐廳既裝修比較復古，有好多陳舊既擺設，例如係菲林相機，黑膠唱片機同汽水樽等等。最中意係呢張長檯上放左一系列唔同既汽水樽，好靚啊!呢度絕對係文青既集中地，好多都係影相位。座位亦好闊落，岩哂一大班朋友聚會吹水!
餐具都好有特式，有唔同既字句。
餐廳係食台灣菜，除左常見既牛肉麵、滷肉飯同蛋餅以外，仲有好多特色既台灣菜。
飲品我地要左冬瓜菜，茶內有一片檸檬，平時飲開既冬瓜茶都比較甜，呢度加左小小檸檬中和番個甜味
首先我地見倒兩碟菜，絕唔係普通既蔬菜，係台灣既蔬菜，第一碟係小魚山林，其實係台灣A菜，望落有啲似油麥菜，食落都覺得同油麥菜差唔多，加左鹹魚落去炒，另多左一份鹹香味! 第二碟就係樹子山蓮，山蓮呢個菜之前喺邊爐鋪都有食過，中意佢夠爽脆，簡簡單單用蒜蓉炒已經好好味。
因為我地都唔想食粉麵類既野，所以就叫左唔同既小菜，試多啲菜式!
台式三杯雞，一黎到已經聞到好香，雞件一啲都唔鞋，醬汁仲帶有小小辣，亦非常惹味。
台式滷味拼盤， 有好多唔同材料，蘿蔔、雞翼、豬肉同豆乾等，全部都好入味又唔會過鹹。
台式醉雞，醉雞切成薄薄一片，岩岩好一啖一舊，酒味好濃郁但唔會覺得太重味！
煙燻雞，好香煙燻味！可能因為係煙燻，所以雞肉依然好嫩滑，可以配埋芥末食，又係另一種口味。
老皮嫩肉，聽個名完全估唔倒係椒鹽豆腐，用左玉子豆腐所以更滑，炸粉薄薄一層咬落外脆內軟。
最後當然係必叫既蛋餅！我地揀左兩款，肉鬆起司同台式香腸，蛋餅既皮做得好好，唔會太厚帶有小許煙韌，亦好足料
食得非常滿足！以後有多個理由過黎PMQ喇!
Post
