吉列牛忌廉烏冬專門店 (百樂中心) (Closed)

呢座大廈有好多唔同嘅食肆，每逢晚市時段一定會大排長龍等𨋢上樓，今日就嚟咗呢一間吉列牛忌廉烏冬專門店。可能我時間尚早，入到嚟唔算太多人，可以靜靜地食嘢。見到好多人推介呢個美食頂級牛里脊套餐，於是乎我又叫一份試吓。首先點左一個鹹蛋薯條，新鮮炸起，確係幾好味。既然講得係忌廉烏冬專門店，當然會試吓個烏冬啦，送到上枱嘅時候見到烏冬上面嘅忌廉就好似奶蓋飲品系列咁，面層有一片白雪。過咗一段時間，忌廉慢慢溶化，會變成白泡，而下面嘅烏冬就沾滿咗咖喱汁。牛扒用隻鐵鍋上，連一隻大啡菇，仲有少少洋蔥絲。然後就自己切開牛肉，用每枱都已經放咗喺度嘅熱石，逐少逐少燒熟嚟食，都幾特色。