中環茶記 (Closed)

今日又到訪中環茶記，霓虹燈係門面依然非常搶眼~一入去就有一種懷舊餐室既感覺~我想講店員真係好熱情又有禮貌，入門口會有一個梯級，佢地都會小心叮囑，仲有位想扶我落果級~真係受寵若驚~沙爹牛肉包今次黎睇下個menu，發現唔知係咪上次同同事傾得太開心，發覺有d野食係上次冇見到既~好似呢個沙爹牛肉包~佢特別之處係個包係用上5吋既菠蘿包，送上檯既時間仲暖既~入面既沙爹牛肉好足料又唔太咸，成個包既口感非常好~呢個餐配埋雙檸樂都係$38，細食既女士食完應該已經飽左~香煎美國牛柳拼大蝦鐵板形式上，配左黑椒汁，淋上面既咋咋聲好治癒~!大蝦切半好多膏，牛柳比想像中細件，不過肉質唔錯唔會韌，配上既薯角夠大隻，又夠脆，點黑椒汁食唔錯!呢個餐配左海鹽柚子樂，味道少少微咸，酸甜味多d，飲落幾特別!欖角金沙骨大食朋友食完鐵板餐唔夠喉於是叫埋欖角金沙骨，上檯賣相好吸引，，味道甜甜地有d黑椒係面又有少少微辣，金沙骨肥瘦適中咬落去啖啖肉超正!呢間茶記真係超高水準，希望可以有多d分店就好!