甄記廚房 (Closed)

係太古坊返工，成日會嚟呢到食lunch，最出式係湯飯。(1)濃湯野菜泡飯<星期一至四供應>，橙紅色湯底帶有濃濃蝦味，配上黏性強嘅珍珠米，食起上嚟口感煙韌，伴有幾款蔬菜，特別欣賞茄子。此湯飯只有蔬菜，如想食肉可以加5蚊，有牛柳粒、雞扒等等嘅選擇。(2)雞湯飯<星期五供應>，雞湯清甜不油膩，雞肉仍保留雞味，伴上幾粒紅棗可見細心，好味到連湯都飲晒。(3)花鵰大千雞飯，將雞肉絲、炸蒜片浸係特製醬汁內，可能係醬汁太濃，食唔到酒香，有d失望。午餐連飲品都只係三、四十蚊，就食到水準之作，絶對係抵。