貝‧料理 (Closed)

📍貝‧料理 (旺角)旺角呢間鐵板燒餐廳做緊全日半價優惠。用料唔錯，男仔都飽到上心口。性價比好高！💕晚市 極上鐵板燒 $1280/一人🔸海膽蟹肉魚籽沙律杯海膽幾鮮甜，唔會有明礬味。魚籽醬同蟹肉份量都幾多。沙律菜撈埋柚子醋幾開胃。🔸磯煮原隻南非鮑魚味道又甘又鮮甜，口感彈牙唔韌。🔸酥皮焗日本鮮帶子酥皮底下嘅帶子彈牙多汁。酥皮熱辣辣又香脆。🔸蒜蓉蟶子蟶子口感彈牙，味道鮮甜。加蒜蓉一齊燒味道好夾。🔸辣酒煮花螺花螺肉又爽又鮮甜，比起東風螺好食得多。醬汁比起大排檔嘅口味更溫和。🔸板燒法國鴨肝伴砵酒車厘子鴨肝味道濃郁，雖然唔係口感即溶但都夠晒嫩。🔸蘑菇忌廉湯忌廉湯溫和幼滑，加埋素翅同大量蟹肉勁飽肚。🔸板燒原隻活龍蝦龍蝦肉彈牙鮮甜。師傅秘製嘅醬汁有少少提鮮作用。🔸板燒鹿皃島A5宮崎和牛和牛肉質又軟又彈牙，多汁而且重油香。🔸貝柱炒溫室時蔬時蔬、貝柱味道清甜。食完咁多濃味嘢反而覺得好吸引。🔸和牛櫻花蝦炒飯炒得粒粒分明，係充滿醬油香嘅日式炒飯。🔸西班牙燉蛋口感好似雪糕，味道完全係creme brulee😍。📍貝‧料理 (旺角)旺角彌敦道575號Ladder Dundas19樓