港原味 (Moved) New Location

上星期六終於休息唔洗返工， 可以陪家人食飯， 由於太累唔想煮，家人提議睇下邊到有得食飯又座得舒服的餐廳。嘩！！！好彩我為食朋友多，介紹我來港原味可以打卡影靚相又有飯食。我們叫左咖喱雞肉農夫包， 麵包焗得好脆，入面個咖喱雞肉微辣，仲有芝士呢！麵包切開點入面d咖喱汁食唔錯，但最正始終係薯仔，可能因為我鍾意食啦。沙拉骨，每件都痴滿沙律醬，豬扒又炸的好酥脆下飯一流。呢到有個叫自選炒幾得意，我就選左我最愛我支竹炒班腩，啖啖肉正呀，支竹又吸味。加左錢配湯， 南瓜湯夠香甜冇味精。呢到好多靚打卡位睇得出老闆的心思。