Video
Read full review
2017-09-24
675 views
唔喜歡食正餐既我，往往喜歡食各式各樣既小食，而日式餃子就正正適合我，款式多，食多幾隻就會飽。位於廈門街既「餃餃餃子」，係利東街隔離，主打日式餃子，每碟份量少，但係正正因為咁，先可以試多d唔同款式。雖然餃子本身已經好夠味，但係店方依然提供四款醬汁俾大家。Shake shake 餃子-粟米濃湯味：shake shake 薯條大家就食得多，但係shake shake餃子都係第一次聽，有別於其他餃子，呢味菜係用紙袋上，我地只要將粉加入紙袋內，然後再shake,咁就可以啦。餃子沾滿左粟米湯粉後，粟米味道非常香濃，味道剛剛好，唔會太鹹。蟹肉海老特長豪華餃子棒：可能因為餐廳既marketing 做得好，加上攝影技術非常專業，檯上既餃子棒同餐牌上見到既有一定程度既差別。餃子棒長度有大半隻碟，要自己切開先至容易share，味道唔算太日式，似係酒樓食到既海鮮餃咁。Chao chao 餃子：最喜歡一餅餃子既我，餐牌上見到後都忍唔住叫，餃子入口唔太油，皮薄餡靚。激辛餃子：鍾意食辣野既我點少得試呢個餃子呢！餃子入口時只係微辣，但係辣味會慢慢滲出黎，非常過癮。Mochi mochi 蘑菇餃子：蘑菇餃子
位於廈門街既「餃餃餃子」，係利東街隔離，主打日式餃子，每碟份量少，但係正正因為咁，先可以試多d唔同款式。
雖然餃子本身已經好夠味，但係店方依然提供四款醬汁俾大家。
Shake shake 餃子-粟米濃湯味：
shake shake 薯條大家就食得多，但係shake shake餃子都係第一次聽，有別於其他餃子，呢味菜係用紙袋上，我地只要將粉加入紙袋內，然後再shake,咁就可以啦。
餃子沾滿左粟米湯粉後，粟米味道非常香濃，味道剛剛好，唔會太鹹。
蟹肉海老特長豪華餃子棒：
可能因為餐廳既marketing 做得好，加上攝影技術非常專業，檯上既餃子棒同餐牌上見到既有一定程度既差別。
餃子棒長度有大半隻碟，要自己切開先至容易share，味道唔算太日式，似係酒樓食到既海鮮餃咁。
Chao chao 餃子：
最喜歡一餅餃子既我，餐牌上見到後都忍唔住叫，餃子入口唔太油，皮薄餡靚。
激辛餃子：
鍾意食辣野既我點少得試呢個餃子呢！餃子入口時只係微辣，但係辣味會慢慢滲出黎，非常過癮。
Mochi mochi 蘑菇餃子：
蘑菇餃子味道比其他既清，味道唔錯，唔鍾意食濃味既朋友可以一試。
總括黎講呢度既餃子份量雖然較少，但係可以試到唔同既款式，都算唔錯。
Post
