包販子 (Closed)

聽講佢就快執笠，見到佢好多特色嘅漢堡包所以特登嚟試，亦都知道佢成日排隊所以好早就嚟到，不過我嚟到既係早餐時段。一推門，座位排放鬆動，感覺極舒適，空間感極大。我揀左個角落位置，在柔和音樂下，靜靜欣賞擺設。 早餐嘅選擇唔算太多，有麵包，治或全日早餐， 我目標食麵包所以揀左個無魚魚柳包連飲品。先點餐店員會送到座位，面層烙咗個Logo公仔，麵包都算大個，中間餡料滿滿，兩件魚柳一些配料和醬汁，絕對落手豪爽， 魚柳脆卜卜，醬汁酸甜度恰好，估計有混合醬汁，麵包外脆內軟。 所有配料組合，我張到咀巴最大都一啖咬唔曬。蜜糖鮮奶交足功課，幼滑鮮奶口感充滿蜜糖嘅香味，吞一啖蜜糖味道亦在咀留香。就算冰溶了，味道亦不會太啖。整體而言，好想下次嚟食北京填鴨包。