彩晶軒 (Closed)

聽朋友講如心廣場開左間新唔錯既酒樓, 就同屋企人去試下估唔到如心廣場入面有間咁靚既酒樓, d裝修好靚, 好新~叫左幾款點心小菜, 全部都好特別, 味道唔錯~胡麻醬茄子, d麻醬好香! 未試過咁既配搭食茄子~~ 又唔錯wor!墨魚子燒賣, 平時唔係好食酒樓d燒賣, 但呢個真係要推介~蘿蔔酥, 超級金黃鬆化, 必吃!!咖哩清湯牛仔脯, 牛脯好林好入味!見到d甜品好精緻, 雖然已經好飽, 都忍唔住拎左幾款黎試~ 紅豆椰汁糕, 焦糖蛋, 芒果布甸, 全部都正!! 而且細細件, 可以試多幾款, 又唔怕食唔晒~~總括黎講, 值得去試下間新派酒樓既食物!!