味帝漢堡 (Closed)

話說我真是好歡喜去舊區逛, 有日去左大角咀見到呢間味帝漢堡。外觀望落就似啲up dup小店, 但原來內有乾坤。店鋪入面得兩張枱, 四個位, 門口三個, 總共七個位。 雖然細細嘅店鋪, 但入面佈置一啲唔差。個人覺得最有特色是個書吧, 可以隨便借黎睇, 好正。講番正題, 食物。新加坡海南雞飯堡 ($65)呢個咁新穎嘅配搭令我在餐牌一望到就落單。 啲飯壓得幾好, 唔會扁晒但又唔會拎上手散開。 海南雞件又幾正宗, 入面仲有海南街嘅酸辣汁, 好惹味, 好滑。 不過略嫌油左少少。羅宋湯 ($15)湯入面好多雜菜, 不過個味就淡左少少, 一般。窩蛋芝士薯條 ($38)好多芝士! 而且有隻蛋可以撈落薯條到食, 成件事好邪惡哈哈哈! 不過要趁熱食, 因為啲芝士好快會凍左凝固番。 另外, 因為我是一個人食嘅關係, 食完個飯堡個肚已經冇乜位淨, 好飽!!!