Video
Read full review
2009-11-26
2 views
9月30日, 足足等咗成年… 終於等到意粉屋嘅芝士火鍋啦! 好耐之前openrice寄咗3張$50cash coupon, 咁啱今日deadline可以用黎食芝士火鍋, 呀比仲有芝士火鍋試食價coupon添! 今餐真係無械可擊, 又抵又好食~::: 特濃野菌芝士火鍋 配 極上燒牛肉拼盤 ::: $248掙扎咗好耐想試特濃野菌芝士+海鮮, 但個set係無得咁配嘅~ 如果你堅持就+$10囉~ 不過我同呀比最後覺得人地無得咁配可能係個味5夾呢~ 所以我地最後都揀番牛肉拼盤!極上燒牛肉拼盤賣相真係色彩繽紛! 有燒牛肉, 燒雞, 豬肉片同腸仔, 仲有大蘑菇片, 青瓜, 南瓜, 車厘茄, 露筍, 冬菇等蔬菜~ 全部材料都幾新鮮~ 唔錯! 當中我地都覺得雞或豬呢d淡味d嘅燒肉會配個芝士d! 反而牛肉因為太濃味會同芝士互搶… 其他蔬菜如蘑菇,青瓜, 南瓜配芝士都好好味!另外仲有麵包籃同墨魚汁天使麵比我地填飽個肚仔~ d麵包浸咗芝士真係好好味!! 墨魚汁天使麵可能就會漏d, 不過係最能夠食出芝士濃香嘅食物!總括黎講特濃野菌芝士火鍋真係非常濃!! 雖然野菌味唔係好突出, 但用上3種芝士嘅鍋底真係超香~ 而
::: 特濃野菌芝士火鍋 配 極上燒牛肉拼盤 ::: $248
掙扎咗好耐想試特濃野菌芝士+海鮮, 但個set係無得咁配嘅~ 如果你堅持就+$10囉~ 不過我同呀比最後覺得人地無得咁配可能係個味5夾呢~ 所以我地最後都揀番牛肉拼盤!
極上燒牛肉拼盤賣相真係色彩繽紛! 有燒牛肉, 燒雞, 豬肉片同腸仔, 仲有大蘑菇片, 青瓜, 南瓜, 車厘茄, 露筍, 冬菇等蔬菜~ 全部材料都幾新鮮~ 唔錯! 當中我地都覺得雞或豬呢d淡味d嘅燒肉會配個芝士d! 反而牛肉因為太濃味會同芝士互搶… 其他蔬菜如蘑菇,青瓜, 南瓜配芝士都好好味!
另外仲有麵包籃同墨魚汁天使麵比我地填飽個肚仔~ d麵包浸咗芝士真係好好味!! 墨魚汁天使麵可能就會漏d, 不過係最能夠食出芝士濃香嘅食物!
總括黎講特濃野菌芝士火鍋真係非常濃!! 雖然野菌味唔係好突出, 但用上3種芝士嘅鍋底真係超香~ 而且間中會食到混入芝士入面嘅野菌~ 好正丫~~~
::: 香蒜蜆肉蘑菇天使麵 ::: $72
另外叫多一個pasta黎試~ 不過呢個香蒜蜆肉蘑菇天使麵著實有點令人失望! 因為感覺太似中式或者茶餐廳d炒米了! 而且味道亦無甚特別, 蒜味亦唔出~ 唯一可喜嘅係d蜆肉蘑菇都幾多… 感覺好d囉…
::: 飲品買一送一 ::: $26
叫芝士火鍋仲有買一送一添, 叫咗杯凍檸茶同橙汁什飲, 半價黎講十分唔錯!
期待已久嘅芝士火鍋真係無令人失望!! 又香又濃又冶味!! 冬天食完真係夠晒暖笠笠~ 而且價錢又唔係貴! 真係寫完都好想食多次~~~
不得不讚下呢間W square嘅意粉屋, 環境同service都十分好! 我地得2個人, 個經理都比咗張勁大嘅圓形廂座比我地~ 又會細心介紹d食物~ 真係好欣賞佢地!
Post
