Video
Read full review
2019-07-09
78 views
今日去咗食呢間喺灣仔嘅地中海菜hEat，喺去之前已經知道呢間餐廳喺出名食dry aged熟成牛🐂，對於我呢個咁鍾意食牛魔王，真係好期待呀😍.食咗佢哋嘅4 -course menu，以下就介紹下我食咗啲咩啦🤗.頭盤Oyster on chef selection - 有兩隻唔同品種嘅蠔，不過都唔記得問係咩蠔添🙈，兩隻食落都十分新鮮，有蠔味㗎😋Summer truffle porcini toast🍞 - 呢個係牛肝菌黑松露醬多士，一上枱已經聞到好香嘅黑松露味🤤，加埋芝士同埋grill過嘅多士，都係一個唔錯嘅小食👍🏻.前菜King crab leg🦀 - 炭燒過嘅日本皇帝蟹腳，啖啖肉🤤，配埋牛油sauce，十分香甜Daily seasonal clams - 呢款蜆平時比較少食，蜆肉都好大粒，十分鮮甜，配埋有檸檬草味嘅cream sauce🍋，creamy又唔膩，呢個必試呀👍🏻.主菜Guinea Han🐓 - 呢個係香煎雞脾肉，serve with蔬菜同埋雞湯，冇太多嘅醬汁，清清地😌，平時我係唔食雞皮架，因為覺得太肥🤭，不過呢個雞皮就一啲都冇咁嘅感覺，雞皮煎到薄脆，唔錯架Prime CAB
.
食咗佢哋嘅4 -course menu，以下就介紹下我食咗啲咩啦🤗
.
頭盤
Oyster on chef selection - 有兩隻唔同品種嘅蠔，不過都唔記得問係咩蠔添🙈，兩隻食落都十分新鮮，有蠔味㗎😋
Summer truffle porcini toast🍞 - 呢個係牛肝菌黑松露醬多士，一上枱已經聞到好香嘅黑松露味🤤，加埋芝士同埋grill過嘅多士，都係一個唔錯嘅小食👍🏻
.
前菜
King crab leg🦀 - 炭燒過嘅日本皇帝蟹腳，啖啖肉🤤，配埋牛油sauce，十分香甜
Daily seasonal clams - 呢款蜆平時比較少食，蜆肉都好大粒，十分鮮甜，配埋有檸檬草味嘅cream sauce🍋，creamy又唔膩，呢個必試呀👍🏻
.
主菜
Guinea Han🐓 - 呢個係香煎雞脾肉，serve with蔬菜同埋雞湯，冇太多嘅醬汁，清清地😌，平時我係唔食雞皮架，因為覺得太肥🤭，不過呢個雞皮就一啲都冇咁嘅感覺，雞皮煎到薄脆，唔錯架
Prime CAB striploin in house dry aged 30days 🥩- 重點黎喇 30日熟性牛扒，都係以炭燒嘅方式煮嘅，牛扒表面比較乾身，不過入面嘅肉質就好淋，一啲都唔會鞋架，仲食到好oringinal嘅牛味😋
.
甜品
White chocolate pana cotta - 呢個panna cotta同平時食開嘅有啲唔同，因為有白朱古力，所以個質感都比較企身，仲見到佢用咗雲呢拿籽，口感味道都更rich呀🥰
Chocolate tiramisu - 呢個面頭嘅似係朱古力mousse，底下就係索左酒味嘅蛋糕，好香架😋
.
飲品
每人有一杯確mocktail🍹，你可以自己隨意選擇你想要嘅口味，我哋話想要啲refreshing啲嘅，最後就係我哋特別條配左一杯柑味🍊同埋一杯荔枝味嘅mocktail嘅
.
呢度嘅環境都幾舒適，有落地玻璃可以望到出邊嘅景色🏙，而且音樂好relax🎵，好啱同朋友一路食飯一路慢慢傾計㗎
Post
