車品品小食 (Closed)

久仰大名，今晚借買曲奇為名，車品品為實。唔使等位，但係要搭枱，我地坐左個冷氣風口位，凍到震............，可能人手比較少，所以等野食都等左幾耐，不過有個四眼既阿姐，佢個服務真係一流，佢見我地拎住d曲奇，主動話要拎張椅比我地放，態度一流!:chopstick山楂金絲蜜棗茶($6):見佢寫住消脂瘦身，又可以清熱，所以同朋友一人一杯。拎到過黎o個陣時，杯野又唔係真係好凍，飲落好似酸梅湯咁，冇咩山楂味，而且味道偏淡。溏心皮蛋送子薑($10):呢個抵食~!因為就咁叫一碟子薑都要$5，而家叫皮蛋送子薑wor~幾好!個溏心皮蛋冇咩鹼水味，仲要有松花，仲想點?! 子薑酸得黎唔嗆喉，開胃小食一流！招徠大雜麵($29):都等左幾耐下，個麵先黎，不過都冇咩所謂，好食就得喇。個麵一黎，我同朋友第一個反應係『抵!』$29可以食到豬皮，大腸，牛柏頁，紅腸，芝士腸，牛腩，魚肉，豬紅，魷魚，魚蛋，生菜，雞翼尖，蘿蔔，入面D蘿蔔真係好似MENU所形容咁，鬆化！甜！正！!個綠綠地色既魚蛋都好好味~!之但係就唔係好知佢用咩黎整既= =。其中雞翼尖個味道比較怪，我同朋友都食到有D變左，可能放得太耐啩......整體