Video
Read full review
2010-11-14
78 views
早已想到這間打邊爐, 因陳經理推介, 上週五(11月5日)想為好姊妹慶生辰, 於是下班後八點多到, 店舖門口的叔叔話兩位唔駛等, 唔會有位….昨晚又係八點左右到, 同老公本住碰碰運氣的心態, 連back up plan都諗埋, 點知門口叔叔開咗樓上俾我地, 樓上有10張枱, 我地係第一枱上去, 侍應叔叔好好, 俾我地任揀, 不過啲冷氣好勁, 開住爐食, 都好寒, 下次要帶多件衫!一坐底, 第一件事當然係一枝藍妹, 點知呢度無大枝, 唯有叫4枝細先!西洋菜豬肺湯 – 好清甜, 餚耐啲會濃啲! 食到尾先飲會好飲啲!特級手切牛 ($248) – 侍應叔叔要打落樓下問吓有冇, 佢話未必有, 好彩….仲有; 老公係牛魔皇, 食牛較挑剔, 但佢話呢個牛好食!白鱔片 ($50) – 尚算新鮮肥美墨魚滑 – 好新鮮, 好彈牙, 平鋪喺隻碟度, 用匙”忽”, 好易handle, 平時其他地方用竹筒, 我次次都搞到大大舊, 又倫倫盡盡!魚皮餃 – 一般貨色, 啲皮好厚! 下次可以唔駛點!枝竹蝦刺身兩隻 ($180) – 本想食象拔蚌, 不過無貨, 於是侍應叔叔提議枝竹蝦, 我問佢點計, 佢話三十蚊一兩,
一坐底, 第一件事當然係一枝藍妹, 點知呢度無大枝, 唯有叫4枝細先!
西洋菜豬肺湯 – 好清甜, 餚耐啲會濃啲! 食到尾先飲會好飲啲!
特級手切牛 ($248) – 侍應叔叔要打落樓下問吓有冇, 佢話未必有, 好彩….仲有; 老公係牛魔皇, 食牛較挑剔, 但佢話呢個牛好食!
白鱔片 ($50) – 尚算新鮮肥美
墨魚滑 – 好新鮮, 好彈牙, 平鋪喺隻碟度, 用匙”忽”, 好易handle, 平時其他地方用竹筒, 我次次都搞到大大舊, 又倫倫盡盡!
魚皮餃 – 一般貨色, 啲皮好厚! 下次可以唔駛點!
枝竹蝦刺身兩隻 ($180) – 本想食象拔蚌, 不過無貨, 於是侍應叔叔提議枝竹蝦, 我問佢點計, 佢話三十蚊一兩, 佢叫我地食兩隻, 我問即係幾錢, 佢話要秤過先知, 算啦~ 老公都費事計, 就兩隻啦~ 份量少得好緊要, 好薄好薄, 得10片2厘米乘2厘米左右的半透明刺身, 無乜味; 兩隻椒鹽蝦頭反而仲好味~
叔叔好殷勤招待, 不過全部都要問先有, 例如辣椒絲, 連蒜蓉都無俾, 我見隔離枱要每樣問先有, 食刺身, 都係要問先有醬油芥末! 不過叔叔會幫手加酒加湯, 加湯前又問, 需要飲啖湯先, 佢怕加湯會稀咗!
應該會再去!
Post