香港鴻興隆中華菜館 (Closed)

同長輩食飯都會揀啲中式餐廳，但係傳統中式嘅餐廳，食嚟食去都係嗰幾道菜，今日帶佢哋去食一間較有特色嘅中式餐廳，食下唔同嘅做法！魚香肉絲～ 上枱已經充滿香味，證明廚房師傅鑊氣非常足， 肉絲非常之軟滑， 配埋青椒等佐料， 非常之惹味！勃然肥牛～ 勃然粉係比較濃味嘅香料 ，加上京蔥洋蔥等，真係非常好送飯！滑蛋炒蝦仁～ 見到啲蝦大大隻 ，加埋香滑嘅炒蛋，仲有蔥花嘅獨特香味，係可以將家庭小菜演繹到極致！揚州炒飯～ 炒飯都依然用大大隻蝦，非常之彈牙，見到炒飯粒粒分明，又一次印證大廚嘅技藝非凡！其實仲有好多唔同嘅特色 item想叫， 不過眼闊肚窄，唯有下次再嚟啦！