串串貢 (Closed)

今日經過深水埗，突然好想食打邊爐，跟住search到有間食四川火鍋，因為自己都好鍾意食辣野，於是就去試吓，下面招牌都幾古色古香，上到去勁香四川麻辣香味。我地叫咗個鴛鴦鍋，一邊係麻辣湯，另一邊係沙嗲湯，個麻辣湯好香麻辣香味，我叫咗小辣，唔算太辣，要黎打邊爐香味十足，唔使點醬油都夠晒味道，而沙嗲湯都有好小好小嘅辣味，但花生味勁香，個湯底都好濃郁惹味。佢地有幾個大雪櫃，入面全部都係一串串嘅火鍋配料，非常多款式，任君選擇。一支支嘅火鍋配料都細細條容易食，可以試晒不同嘅配料，又有特色。