一生懸麵

Open Now

Now Closed

#搞串個pantry雪糕拉麵🍦、蛋糕拉麵🍰，甚至近期嘅大王具足蟲拉麵🐞，大家都應該聽過，唔知大家有冇試過🥶？今次唔會同大家去食呢啲咁有視覺衝擊嘅拉麵😂🤣。不過今次嘅舖頭，佢哋都有雪糕拉麵，大家都可以試吓💕。呢間拉麵舖喺#旺角 、#荃灣 、#牛頭角 都有分店。今次就嗌咗兩碗🔴海老沾麵($88)、🔵章魚燒($29)、🟡煎餃子($29)。舖頭唔算大，不過都算坐得舒服。海老沾麵🌟🌟🌟🌟個沾麵湯上面舖滿大量嘅櫻花蝦🦐，雖然湯汁有啲稀，但味道都好濃郁。唯一唔好嘅係溫度，沾麵湯唔夠熱🔥，只係屬於暖。拉麵扁身，軟硬適中，彈牙而且掛湯😜。而本身碗拉麵仲有兩塊叉燒、半隻半熟蛋🍳、一啲筍乾。叉燒有炙燒嘅香味🤤，有肥有瘦，不過有啲薄，所以口感一般。章魚燒🌟總共有5粒，外皮脆，內裡軟。食落口唔會感覺好粉漿，不過章魚粒🐙太細，唔係好食到佢嘅存在。所以成個感覺，就好似食緊一粒澱粉類嘅嘢咁，好full🤯。煎餃子🌟🌟🌟同樣有5嚿🥟，煎得啱啱好，底皮硬脆香口🔥。點埋餃子醬汁食，味道都幾日式🇯🇵，內餡應該係豬肉🐷、菜🥬，不過因為係工廠生產嘅餃子，所以啲餡mix得好徹底，唔係好分到係乜嘢餡。整體調味同日式超市急凍餃子一樣😗。