兔子兔子茶飲專賣店 (Closed)

周圍都係台式飲料店，唔搞D新意思或者特別主題點樣吸引客人呢！？最近去左天后兔子兔子茶飲專賣店，主打兔仔logo + 每杯飲品都附帶一個兔仔鼻紙牌，俾你可以扮下兔仔打下卡。天后店仲有得上樓上坐，樓梯兩邊都有好特別既裝飾。因爲係兔仔既關係，俾我有D Alice in Wonderland既感覺。但最近就改左同薯蛋頭先生既聯名心系列，紙牌轉左做薯蛋頭先生個鼻，紙杯都換成薯蛋頭先生~不過我地就叫左朵朵沙冰系列，所以杯都係用透明杯。分別叫左藍天朵朵同宇宙朵朵。兩杯都好靚、完全就係天空既感覺。兩杯都係以益力多做基底，宇宙朵朵會再多少少提子味。呢D禁熱既天氣，非常refreshing！不過記得叫少甜，因爲我地唔記得叫少甜、都真係甜左D！