荔香園冰室 (Closed)

喺旺角嘅鬧市之中，可以聽住懷舊嘅音樂，品嚐著地道的冰室餐廳。佢哋嘅選擇好豐富，焗飯，意粉，甚至係西餐鋸扒都有。今次自己一個人嚟，試咗下佢哋嘅特色西冷扒鐵板餐。惗唔到都好豐富食得好滿足。.個套餐包埋湯，係番茄薯仔湯。酸酸味味，有啲薯仔粒係個底。個扒餐非常之豐富，面頭係太陽蛋，中間係兩塊好大嘅牛扒，下邊係薯菜。薯條新鮮即炸，所以都好脆口。仲有一條腸仔，好大好足料。另外仲選擇咗沙律，沙律有菠蘿粒，同埋雜果粒，仲有薯仔，係經典嘅港式沙律。